Мәскеуде Ұжымдық қауіпсіздік туралы шарт ұйымының Біріккен штабының бастығы Анатолий Сидоровтың баспасөз конференциясы өтті. Індетке жағдайына байланысты ол онлайн режимінде өтті. Бұл туралы Қазақстан әскери ведомствосының баспасөз қызметі хабарлады.
Конференцияға генерал-полковник Сидоровтан басқа, ҰҚШҰ-ға мүше мемлекеттердің, оның ішінде біздің республикамыздың, қорғаныс ведомстволарының және БАҚ өкілдері қатысты.
Сидоров өз сөзінде ҰҚШҰ жауапкершілік аймағындағы, атап айтқанда, Шығыс Еуропа, Кавказ және Орталық Азия аймақтарындағы әскери-саяси жағдайды бағалады.
Келесі жылы біздің мемлекет аумағында ұйымның»Эшелон», «Іздеу» және «Өзара іс-қимыл» — үш әскери жаттығуын өткізу жоспарланып отыр.
Қазақстан Қорғаныс Министрлігі біздің еліміз ҰҚШҰ серіктестерімен ынтымақтастықты одан әрі дамытуға және нығайтуға ниетті екенін ерекше атап өтті.
Қазір бұл ұйымның құрамына Қазақстан Республикасынан басқа Ресей Федерациясы, Қырғызстан, Тәжікстан, Армения және Беларусь кіреді. Біздің мемлекет осы елдердің барлығымен өзара тиімді қарым-қатынас орнатты.
