Қазақстан Парламенті жоғарғы палатасының төрағасы Дариға Назарбаева Армения президенті Армен Саркисянмен ынтымақтастықты дамытуға қатысты бірқатар мәселелерді талқылады, деп хабарлайды Қазақстан Республикасы Сенатының баспасөз қызметі.
Туризм және ақпараттық технологиялар салаларындағы екі мемлекет арасындағы өзара іс-қимылды кеңейтуге қатысты мәселелер қаралған кездесу Дариға Назарбаеваның Ереванға ресми сапары аясында өтті.
Осы мүмкіндікті пайдалана отырып, Сенат басшысы Арменияның іскер топтарының өкілдерін “Астана” халықаралық қаржы орталығы мен Astana Hub IT-стартап технопаркінің жұмысына қатысуға шақырды.
Өз кезегінде Армения Президенті Дариға Назарбаеваның ұсынысын қолдады және бүгінгі таңда екі елдің іскер топтарының ынтымақтастық әлеуеті толық көлемде пайдаланылмағанын атап өтті.
Кездесу соңында қатысушылар бірлескен жұмыс топтарын құру туралы уағдаластыққа қол жеткізді, олардың қызметі екі ел арасындағы ынтымақтастықты кеңейтуге бағытталатын болады.
Сурет: Senate.parlam.kz
