ҚР Парламенті Сенатында “Байқоңыр “ғарыш айлағында” Бәйтерек “ғарыш зымыран кешенін құру туралы ҚР Үкіметі мен РФ Үкіметі арасындағы келісімге өзгерістер мен толықтырулар енгізу туралы хаттаманы ратификациялау туралы”ҚР Заңы қабылданды.
“Жоба жобаны іске асырудың негізгі шарттарын өзектендіруді қарастырады. Бастапқыда жобаны ресейлік “Ангара”зымыран-тасығышы негізінде іске асыру жоспарланған. Алайда, тасымалдағыш зымыранның уақытында дайын болмауына байланысты Тараптар жобаны жүзеге асырудың көптеген түрлі нұсқаларын қарады”,-деді заң жобасын таныстыра отырып, сандық даму және аэроғарыштық қызмет министрі Асқар Жұмағалиев.
Нәтижесінде, оның айтуынша, тараптар жобаны “Союз 5″зымыран-тасығыш базасында жүзеге асыруды шешті.
“Жалпы Ресей Федерациясы зымыранның жасалуына жауап береді,ал біз жер үсті инфрақұрылымына жауап береміз. Осы жобада Ресей тарапы “Союз-5” зымыран-тасығышын, техникалық және старттық кешендерде бақылау-тексеру аппаратурасын құруды, сондай-ақ екпіндеткіш блоктың, ғарыш аппараты мен ғарыштық бас бөлігінің техникалық кешенін жаңғыртуды қамтамасыз етеді. 2018 жылы жаңғырту мақсатында қазақстандық тарапқа “Байқоңыр” ғарыш айлағының 42, 43 және 45 алаңдарында орналасқан 243 “Зенит-М” объектісі берілді”, — деп атап өтті министр.
Ол сондай-ақ, қазақстандық тарап “Зенит-М”ғарыш зымыран кешені жерүсті инфрақұрылымы нысандарын қайта жаңартып, жаңғыртып жатқанын айтты.
“Старттық және техникалық кешендерді жаңғырту, жұмыс істеп тұрғандарын күрделі жөндеу және қайта жаңарту, сондай-ақ жерүсті ғарыш инфрақұрылымының жаңа объектілерін салу бойынша жұмыстар жүргізілетін болады. Бұл жұмыстар $ 233 млн бағалануда”, – деп қортындылады А. Жұмағалиев.
Сурет: inform.kz
