Қазақстан Парламенті жоғарғы палатасының депутаттары Қазақстан Республикасында капиталды елден заңсыз шығарғаны үшін жазаны күшейтуді талап етеді. Бұл туралы “Хабар24″ақпарат агенттігі жазады.
Сенат депутаты Ольга Перепечина соңғы 20 жылда республикамыздан ақша қаражатының жылыстауы 140 миллиард долларды құрағанын, алайда 238 қылмыстық істің тек үшеуі ғана сот арқылы қаралғанын айтты.
“238 қысқартылған істердің 70% – ы немесе 170 іс әрекетте құқық бұзушылық құрамының болмауына байланысты тоқтатылды, яғни капиталды шетелге шығару фактісі бар, алайда бұл факт ұлттық заңнамамен құқық бұзушылық ретінде сараланбайды”, – деді сенатор.
Сондықтан, парламентарий түсіндіріп өткендей, сот елге ақша қаражатын қайтару мәселесін қарастырмаған, өйткені қылмыстық іс жүргізу кодексінде қайтару бойынша міндеттемелер қарастырылмаған.
Осыған байланысты сенаторлар республикадан капиталды заңсыз шығарғаны үшін жазаны күшейтуді талап етеді. Тиісті депутаттық сауалдар министрлер кабинетінің басшысы Асқар Маминнің және Ұлттық банк төрағасы Ерболат Досаевтың атына жіберілді.
Сурет: toppress.kz
