Қазақстандық сарапшылар осы жылдың 3-4 желтоқсанында Беларусь астанасында өтетін «Тәуелсіз Мемлекеттер Достастығы елдерінің тіл саясаты» халықаралық конгресіне қатысады, деп хабарлайды ТМД Атқару комитетінің баспасөз қызметі.
Ресей мемлекеттік әлеуметтік университеті филиалының алаңында өтетін конгреске қазақстандық делегациядан басқа, Әзірбайжан, Армения, Беларусь, Қырғызстан, Молдова, Ресей және Өзбекстаннан келген сарапшылар қатысады.
Достастықтың Атқару комитетінің ақпараты бойынша, ТМД Атқару Комитеті мен Ресей ынтымақтастығы бастамасымен өткізілетін іс-шара барысында көптілділік мәселелері қаралатын болады.
Халықаралық конгресс шеңберінде көптілді, көпмәдениетті және көпконфессиялы мемлекет жағдайында тілдік ахуалды үйлестірудің ең тиімді тәжірибелеріне қатысты мәселелер қозғалады.
Сонымен қатар, қатысушылар іс-шара барысында білім беру саясатының тиімділігін арттырудағы заманауи онлайн-технологиялардың рөлін қарастырады.
