Мемлекет басшысы Қасым-Жомарт Тоқаев біздің республикамызды кедендік және салық салаларын цифрландыруда Ресей тәжірибесі қызықтыратынын мәлімдеді, деп хабарлайды rossaprimavera.ru ақпарат ресурсы.
Қасым-Жомарт Тоқаев “Комсомольская правда” газетіне берген сұхбатында осындай мәлімдеме жасады.
Қазақстан Президентінің айтуынша, Ресей Федерациясы кеден және салық салаларын цифрландыруда айтарлықтай нәтижелерге қол жеткізді, оған Ресей декларацияларды толық автоматты тіркеу және шығару технологиясын, сондай-ақ зияткерлік өткізу пунктінің моделін енгізгені дәлел.
Осыған байланысты, республикамыздың басшысы, Қазақстан салық және кеден салаларын цифрландырудың ресейлік тәжірибесіне жіті назар аударатынын мәлімдеді.
Сонымен қатар, Қасым-Жомарт Тоқаев Қазақстан Республикасы мен Ресей Федерациясы салық саласын цифрландыру бойынша көшбасшы елдердің бірі болып табылады деп есептейді.
Сурет: zagranportal.ru
