Қазақстан Республикасының Президенті Қасым-Жомарт Тоқаев әскери қызметшілерді салтанатты марапаттау рәсіміне қатысты. Республика басшысы еліміздің үздік қорғаушыларын марапаттады.
Қасым-Жомарт Тоқаев Қазақстан Республикасы Қарулы Күштері Бас штабы бастығының орынбасары Әділбек Алдабергеновке алғысын білдіріп, І дәрежелі “Даңқ” орденімен марапаттады. Сондай-ақ, I дәрежелі “Даңқ” орденімен Бас прокурордың орынбасары Ерлік Кененбаев, Қазақстан Республикасы Құрлық әскерлері бас қолбасшысының орынбасары Василий Рысбаев салтанатты түрде марапатталды.
ІІ дәрежелі “Даңқ” орденіне келетін болсақ, оны Қостанай облысы полиция департаментінің бастығы Бекет Аймағамбетов, Алматы облысы бойынша Ұлттық қауіпсіздік комитетінің департаментінің бастығы Сәбит Құрманәлиев алды.
Әскери жетістіктері үшін ІІ дәрежелі “Айбын” орденімен Қазақстан Республикасы Президенті Күзет қызметінің бас инспекторы Виктор Балясников, Ақмола облысы бойынша Қазақстан Республикасының Сыбайлас жемқорлыққа қарсы іс-қимыл жөніндегі ұлттық бюросы департаментінің басшысы Қуаныш Бекбасов, ҰҚК департаменті бастығының бірінші орынбасары Ринат Көкімбаев, Қазақстан Республикасы Қорғаныс министрлігі 48386 әскери бөлімінің командирі Талғат Құсайынов, Қазақстан Республикасы Ішкі істер министрлігі Криминалдық полиция департаменті бастығының орынбасары Ерлан Омарбеков, Қазақстан Республикасы, Қазақстан Республикасы Қорғаныс министрлігі 28738 әскери бөлімінің командирі Жанат Раскулов, Атырау қаласы полиция басқармасы Жол-патрульдік полиция батальонының инспекторы Рүстембек Сүндутов, Қарулы күштер әуе қорғанысы күштері Әскери-әуе күштері қолбасшысының орынбасары Нұрболат Топаев, Қазақстан Республикасы Қорғаныс министрлігі 03858 әскери бөлімінің командирі Мейрам Хамзин марапатталды.
Сондай-ақ, Мемлекет басшысы “Президент полкінің” аға атқыш маманы Амангелді Хусайновқа және Бас прокуратура қызметі бастығының орынбасары Радимхан Дубаевқа үлкен алғысын білдірді. Олар III дәрежелі “Айбын” орденін алды.
Республика басшысы “Ерлігі үшін” және “Жауынгерлік ерлігі үшін” медальдарын табыс етті.
“Ерлігі үшін” медалі ҚР ІІМ Ұлттық гвардиясының “Орталық” өңірлік қолбасшылығының 6697 әскери бөлімінің солдаты Медет Балабиевке, Солтүстік Қазақстан облысы Тайынша ауданы полиция бөлімінің учаскелік инспекторы Ерлан Ибраев, Нұр-Сұлтан қаласының ТЖД № 1 өрт сөндіру бөлімі бастығының орынбасары Аянбек Кенжешовке, ҚР Қорғаныс министрлігі 35411 әскери бөлімінің артиллериялық дивизионының механик-жүргізушісі Қуандық Қанатовқа, Қарағанды облысы ТЖД № 1 өрт сөндіру бөлімі бөлімшесінің командирі Александр Минаевқа тапсырылды.
Ал “Жауынгерлік ерлігі үшін” медалі Орталық командалық пункт бастығының орынбасары – ҚР ҚК Бас штабының орталық командалық пунктінің жедел кезекшісі Владимир Абрамов, ҚР ҰҚК басқармасының бастығы Жаслан Жанайдаров, ҚР Қорғаныс министрлігі 35950 әскери бөлімі штабының аға офицері Асхат Мадьяров, ҚР Қорғаныс министрлігі 55652 әскери бөлімі авиациялық эскадрильясының аға ұшқышы Көбеген Мырзатаев, ҚР Қорғаныс министрлігі 35748 әскери бөлімі танк батальонының командирі Асылбек Ұнтақов салтанатты түрде марапатталды.
Сурет: inform.kz
