5-6 маусымда Қазақстанда дене шынықтыру және спорт бойынша ТМД елдерінің отырысы өтеді. Бұл туралы «ҚазТАГ» ақпарат агенттігі хабарлады.
Достастықтың Атқарушы комитеті қызметкерлері отырыста дене шынықтыру және спорт саласындағы мемлекеттік саясатты жүзеге асыру мәселелерін талқылауды жоспарлап отырғандығын, сондай-ақ спорттық қызметке сандық технологияны енгізу тәжірибесімен бөлісетінін хабарлады.
«Бұдан басқа, Тәуелсіз Мемлекеттер Достастығына қатысушы мемлекеттердің 2020 жылға дейінгі дене шынықтыру мен спортты дамыту стратегиясын іске асыру жөніндегі іс-шаралар жоспарының және 2020 жылға дейінгі кезеңге ТМД-да ұлттық спорт түрлерін қолдау мен дамыту бағдарламасының орындалу барысын талқылау жоспарланған», — деп хабарлады комитетте.
Отырыста ТМД-ға мүше елдердің 2021-2030 жылдарға арналған дене шынықтыру және спорт саласындағы ынтымақтастықты дамыту жобалары таныстырылады.
«Сондай-ақ, 2019 жылы Қырғыз Республикасында ТМД-ға қатысушы мемлекеттердің ұлттық спорт түрлерінің II фестивалін дайындау және ТМД-ға қатысушы мемлекеттердің спортты ғылыми-әдістемелік қамтамасыз ету құрылымдарының өзара іс-әрекетін ұйымдастыру мәселелерін талқылау жоспарлануда. Отырыс қатысушыларына Достастықтың жарғылық және басқа да органдары жанындағы Достастыққа қатысушы мемлекеттердің Тұрақты өкілетті өкілдері 2018 жылдың қазан айында ТМД-ға қатысушы мемлекеттердің дене шынықтыру және спорт саласындағы ынтымақтастық туралы келісімге қатысушылардың дене шынықтыру және спорт жөніндегі кеңесінің қызметі туралы есептің қорытындылары туралы ақпаратты ұсынады»-деп нақтылады атқару комитетінде.
Естеріңізге сала кетейік, дене шынықтыру және спорт жөніндегі отырыс ағымдағы жылдың 5-6 маусымында Щучинск қаласында өтеді.
Сурет: Kyztag.kz
