Қазақстан Үкіметі басшысы Асқар Мамин республиканың білім беру бағдарламасына маңызды өзгерістер енгізілетінін айтты.
“Ағымдағы жылдың соңына дейін 2025 жылға дейін білім мен ғылымды дамытудың жаңа мемлекеттік бағдарламасы бекітіледі. Оның аясында үш ауысымды мектеп мәселесі шешілетін болады. Барлығы 500 мектеп салу жоспарлануда. Оның ішінде 100-ден астам жеке меншік мектеп жан басына қаржыландыру арқылы ашылады”, – деді Асқар Мамин.
Премьер-министр 2021 жылға дейін Қазақстанның барлық мектептерін, колледждерін және жоғары оқу орындарын оқытудың жаңа деңгейіне көшіру жоспарланып отырғанын айтты. Ұсынылатын жаңа бағдарлама оқытудың сапасын арттыруға бағытталатын болады.
“390 колледжде WorldSkills халықаралық стандарттары мен модульдік бағдарламалар енгізілетін болады. Сонымен қатар, қолданыстағы колледждер жүйесін нарық қажеттілігіне қарай оңтайландыру және бейіндеу жүргізілетін болады”, – деп толықтырды Мамин.
Үкімет басшысының айтуынша, ағымдағы жылдың 1 қыркүйегінен бастап жұмыс мамандықтары бойынша оқитын студенттерге шәкіртақыны арттыру жоспарлануда. Стипендияны 30 пайызға көтеруді ойластыруда.
Сурет: arnapress.ru
