Қазақстан президенті Қасым-Жомарт Тоқаев “Қазақстан Республикасы Президентінің кезектен тыс сайлауын тағайындау туралы” Жарлыққа қол қойды, Ақорданың баспасөз қызметі хабарлады.
Кезектен тыс сайлауын тағайындау туралы Қазақстан Республикасы Президентінің
Қазақстан Республикасы Конституциясының 41-бабының 3-1-тармағына сәйкес ҚАУЛЫ ЕТЕМІН:
Қазақстан Республикасы Президентінің кезектен тыс сайлауы 2019 жылғы 9 маусымға тағайындалсын. Қазақстан Республикасы Орталық сайлау комиссиясы кезектен тыс президенттік сайлауды ұйымдастыруды және өткізуді қамтамасыз етсін. Қазақстан Республикасының Үкіметі кезектен тыс президенттік сайлауды ұйымдастырушылық, материалдық-техникалық және қаржылық қамтамасыз ету жөнінде қажетті шаралар қабылдасын. Нұр-сұлтан, Алматы және Шымкент қалаларының, облыстық әкімдері сайлау құқығы бар азаматтардың тізімін уақытында жасалуын және дұрыстығын қамтамасыз етсін, орталық, аумақтық және учаскелік сайлау комиссияларына кезектен тыс президенттік сайлауды ұйымдастыру және өткізу мәселелерін шешуде жан-жақты жәрдем көрсетсін. Осы Жарлық алғашқы ресми жарияланған күнінен бастап қолданысқа енгізіледі.
Қазақстан Республикасының Президенті Қ. Тоқаев
Сурет: Dixinews.kz
