Қазақстандық ғалымдар Бразилия мен Ресейдің әріптестерімен бірлесе отырып, автожолдарға арналған жаңа экологиялық негіз ойлап тапты. Бұл жайында Қиыр Шығыс федералдық университетінің баспасөз қызметі хабарлады.
Автомобиль жолдары үшін жаңа негіз біздің республика аумағында бір жарым жыл бойы әзірленді. Атап айтқанда, ғалымдар саздақ, металл қож және әк өндірісінің қалдықтарынан жол салуды ұсынды.
Қиыр Шығыс федералды университетінің инженерлік мектебінің қалдықты ресурстарды пайдалану зертханасының меңгерушісі Андрей Таскин жаңа технологияны пайдалану автожолдардың құрылысы, қымбат құм және қиыршық тасты металлургиялық өндіріс қалдықтарына ауыстыру есебінен, анағұрлым жылдам әрі тиімді болатынын айтты.
Оның айтуынша, осы негізден жасалған автожолдар экономикалық жағынан ғана тиімді емес, ол қоршаған ортаға қауіпті өндірістік қалдықтарды кәдеге жарату мәселесін шешуге мүмкіндік береді.
Сурет: censor.net.ua
