Биылғы жылы Гагарин ұшырылымы деп аталып кеткен қазақстандық Байқоңыр ғарыш айлағының алғашқы учаскесін қайта құру басталады деп жоспарлануда. Бұл туралы ҚР Сандық даму, инновация және аэроғарыш өнеркәсібі министрлігінің баспасөз қызметінен хабарлады.
Бұл алаңды жаңартумен біздің республика, Ресей және БАӘ айналысады. Осы мақсатты жүзеге асыру үшін олар 84 миллион доллар қаржы салады.
Жақын арада Мәскеуде кездесу өтеді, онда Гагарин алаңына қатысты қаржылық мәселелер талқыланады.
Бұрынырақ Ресейдің жерүсті ғарыштық инфрақұрылым объектілерін пайдалану орталығының бас директоры Андрей Охлопков осы тақырыпта өз ойын білдірген болатын.
Ол Байқоңыр ғарыш айлағының бірінші алаңынан «Союз-2М» жаңа зымыранын ұшыру үшін жаңғырту жоспарланып отырғанын айтқан.
Бұл зымыран қолданыстағы «Союз-2.1 б» зымыранының негізінде құрылуда, бірақ оның ерекшелігі «Фрегат» екпіндеткіш блогы оған қажет емес, бұл агрегаттың құнын айтарлықтай төмендетеді.
Ресей сарапшылары «Союз-2М» зымыранын ғарышқа ұшыру құны 30 миллион долларды құрайтынын айтады. Гагарин ұшырылымынан алғашқы ұшыруды 2023 жылы жүзеге асыру жоспарланып отыр.
Сурет: inform.kz
