«Роскосмос» жерүсті ғарыш инфрақұрылымын пайдалану орталығының мамандары Мәскеу маңындағы Кубинкадағы «Армия-2020» халықаралық форумында «Байқоңыр»ғарыш айлағындағы №1 ұшыру алаңын қайта жаңарту жоспарланып отырғанын мәлімдеді.
Бұл Қазақстан, Ресей және Біріккен Араб Әмірліктері арасындағы әзірленіп жатқан үкіметаралық келісімді көздейді, оны тараптар осы жылдың соңына дейін бекітуге ниетті.
Осы старттық алаңды жаңғырту жұмыстары үшін бірлескен кәсіпорын құрылатын болады. Жобаға қатысушы елдер жұмысты тең үлеспен қаржыландыруды көздеді.
«Гагарин стартын» жаңғырту Қазақстан мен БАӘ-ге ғарыш объектілерін Орбитаға шығаруға мүмкіндік береді, ал Ресей резервтік ұшыру қондырғысын алады.
Қазақстанның цифрлық даму, инновациялар және аэроғарыш өнеркәсібі министрлігінен хабарлағандай, жобаны іске асыру шығындары 87 млн долларды құрайды. Әрбір қатысушы ел 29 млн доллардан төлейді.
Бұған дейін Қазақстан үкіметінің басшысы Асқар Мамин Дмитрий Рогозинмен кездесуде «Гагарин стратасын» жаңғырту жөніндегі үшжақты жобаны, сондай-ақ «Бәйтерек»бірлескен ғарыш зымыран кешенін құруды талқылаған болатын.
Сурет: pikabu.ru
