Бүгін, 17 қаңтар күні Астанада, Қазақстанда Ми-8АМТ/Ми-171 тікұшақтарын құрастыруды ұйымдастыру туралы келісімге қол қойылды. Шарт екі ел президенттерінің келісімдеріне сәйкес жасалды.
Шартқа Қазақстан қорғаныс және аэроғарыш өнеркәсібі министрлігінің “Қазақстан инжиниринг” ҰК” АҚ мен “Ростех” мемлекеттік корпорациясының “Ресей тікұшақтары” АҚ қол қойды.
Тікұшақтарды ірі тораптық құрастыру және оларды бейімдеу сынақтары Алматы қаласында “№ 405 авиажөндеу зауыты” АҚ-да жүзеге асырылатын болады. Бұл кәсіпорынның Қазақстанда осы үлгідегі тікұшақтарды қауіпсіз пайдалануды қамтамасыз ету мәселелерінде үлкен құзыреті бар. Сондай-ақ, бұл зауыт Ми-8/17/171 типті тікұшақтарды жөндеу, жаңғырту және техникалық қызмет көрсету үшін қазақстандық және халықаралық органдармен сертификатталған.
Қазақстанда алғаш рет ауыр тікұшақтарды құрастыру технологиясы енгізілуде. Ресейлік инженерлер қазақстандық әріптестеріне көмек көрсетеді. Қазақстанда осы өнеркәсіптік кәсіпорынның ашылуы ЕАЭО ішіндегі интеграциялық процестерді нығайтады және екі елдің ұлттық мүдделеріне толық сәйкес келеді.
Қазақстандағы Ми-8АМТ/Ми-171 тікұшақтарының басты тапсырыс берушілері мемлекеттік мекемелер мен коммерциялық авиакомпаниялар болып табылады.
Ми-8АМТ/Ми-171 тікұшағын “Миля” атындағы Мәскеу тікұшақ зауыты әзірледі және жолаушыларды тасымалдау, кабинада және сыртқы аспада салмағы 4000 кг дейінгі жүктерді тасымалдау, іздестіру-құтқару жұмыстарын жүргізу және өрт сөндіру үшін пайдаланылуы мүмкін.
Сулет: eadaily.com
