Желіде республикамыздың шекаралық саясатының жаңа тұжырымдамасы пайда болды. Оны Ұлттық қауіпсіздік комитеті жариялады.
Осы тұжырымдамаға сәйкес Қазақстанның шекара саясатының негізгі бағыттарының бірі – шекара маңындағы аумақтарды орнықты әлеуметтік-экономикалық дамыту үшін жағдай жасау.
Бұл бағыт мемлекеттік шекара арқылы өткізу жүйесінің үздіксіз жұмыс істеуін қамтамасыз етуді, оның ішінде Ресеймен мемлекеттік шекарада жаңа өткізу пункттерін құруды және жұмыс істемейтін өткізу пункттерін жабуды көздейді.
Сонымен қатар, шекара саясатының осы бағыты шекара маңы ынтымақтастығын одан әрі дамытуды, шекара маңындағы өңірлердің табиғи ресурстарына бақылауды сақтауды, шекара маңындағы аумақтарда бәсекеге қабілетті ұлттық ақпараттық кеңістікті дамытуды, сондай-ақ көшіп-қонушылардың ағынын реттеуге мүмкіндік беретін шараларды іске асыруды қамтиды.
Мемлекеттік шекара саясатының осы бағыты алдын алу жұмысының тиімділігін арттыруды және шекара маңындағы өңірлерде төтенше жағдайлардың алдын алу үшін жағдайлар жасауды көздейді.
