Қазақстан Республикасының Ресеймен мемлекеттік шекарасында 2020-2025 жылдар аралығында 27 автокөлік және 11 теміржол бақылау-өткізу пункттерін қайта жабдықтау қадамдық жоспарланды. Бұл туралы Қазақстан үкіметінің басшысы Асқар Маминнің депутаттық сауалына берген жауабында айтылған.
Бұл шараларды жүзеге асыру, премьер-министрдің айтуынша, Қазақстанның Индустрия және инфрақұрылымдық даму министрлігі мен Ресей Көлік министрлігі арасындағы өткізу пункттерінің жұмыс істеуі бойынша бірлескен іс-қимыл жоспары негізінде жүзеге асырылады.
Осы жоспарды орындау үшін индустрия және инфрақұрылымдық даму министрлігінде БӨП жаңғырту жөніндегі жол картасын әзірлеп, мақұлдады.
Ағымдағы жылы сондай-ақ Қырғызстанмен мемлекеттік шекарадағы «Қордай» бақылау-өткізу пунктін қайта жаңартуды іске асыру көзделіп отыр. Оны осы жылдың соңында аяқтау жоспарланып отыр.
Бұдан басқа, ағымдағы жылдың соңына дейін Қазақстан мен Өзбекстан шекарасында мемлекеттік бюджет есебінен «Б. Қонысбаев» БӨП-ін қайта құру және техникалық жабдықтау жұмыстары аяқталатын болады.
Сондай-ақ Қытаймен және Түрікменстанмен шекарада бір темір жол және он автокөлік бақылау-өткізу бекеттерін қайта жабдықтау және техникалық жете жарақтандыру көзделген.
Сурет: sladkovo.admtyumen.ru
