Омбы қаласында өткен Қазақстан мен Ресейдің өңіраралық ынтымақтастық форумы аясында Астрахан облысының губернаторы Игорь Бабушкин мен Атырау облысының әкімі Нұрлан Ноғаев кездесті. Бұл туралы Астрахань облысының баспасөз қызметі хабарлады .
Кездесу барысында қатысушылар екі бауырлас мемлекеттер арасындағы өзара іс-әрекетті кеңейтудің перспективалық бағыттарын қарастырды, оның ішінде Атырау-Астрахань әуерейсін дамыту және аттас автожол бағдарын салу мәселелері талқыланды.
Сондай-ақ, кездесу аясында шекара маңындағы өткізу пункттерін дамыту және шекара маңындағы аумақта көтерме-логистикалық орталық құрылысы мәселелері қозғалды.
Өз кезегінде Астрахань облысының губернаторы біздің республикамызмен ынтымақтастық Ресей өңірі үшін халықаралық қызметтің басты бағыттарының бірі болып табылатынын мәлімдеді.
«Бүгін біздің экономикалық байланысымыздың флагманы шекара маңындағы сауда болып табылады. 2019 жылдың тоғыз айының қорытындысы бойынша Қазақстан мен Астрахань облысы арасындағы сыртқы сауда айналымы 12,4 миллион долларға жетті, бұл өткен жылдың осы кезеңімен салыстырғанда 7,3%-ға артық», — деді ол.
