Ресейде Қазақстан-Ресей бірлескен демаркациялық комиссиясының тоқсан сегізінші отырысы өтті. Бұл туралы Қазақстанның сыртқы саяси ведомствосының баспасөз қызметі хабарлады.
Қазақстан Сыртқы істер министрлігінің ақпараты бойынша, отырыста демаркацияның қорытынды құжаттарының жобаларын дайындау және бекіту бойынша жұмыстар жалғастырылды.
Сондай-ақ, тараптар мемлекеттік шекара сызығының қатынауы қиын учаскелерді белгілеуге байланысты мәселелерді қарастырды.
Келіссөзге қатысушылар Қазақстан-Ресей бірлескен демаркациялық комиссиясының келесі отырысы осы жылдың қазан-қараша айларында Қазақстанда өтеді деген ортақ пікірге келді.
Қазақстанның Сыртқы істер министрлігінде отырыс екі ел арасындағы дәстүрлі достық және сындарлы қарым-қатынас түрінде өткенін атап өтті.
Сурет: stranradar.com
