Қазақстан СІМ шетелде дауыс беретін қазақстандықтар үшін ақпарат жариялады, деп хабарлайды Today.kz, сыртқы саясат ведомствосының баспасөз қызметіне сілтеме жасай отырып.
ҚР СІМ ұсынысы негізінде Нұр-Сұлтан қаласының аумақтық сайлау комиссиясы 51 шет мемлекетте 64 сайлау учаскесін ашты. Олардың мекен-жайларын мына сілтеме (ссылке) бойынша, сондай-ақ www.election.gov.kz сайтынан көруге болады
«Қазақстан Республикасындағы сайлау туралы» Конституциялық Заңның 24-бабының 8-тармағына сәйкес, шет мемлекеттердегі ҚР өкілдіктері жанындағы сайлау учаскелері бойынша сайлаушылар тізімі дауыс беру күніне дейін өзектіленетін болады. Бүгінгі таңда Қазақстанның 15 мыңға жуық азаматы шетелде дауыс беруді жоспарлап отыр.
Ведомство сайлаушылар тізімі Қазақстан Республикасының өкілдіктеріне берілген азаматтардың жазбаша өтініштері, сондай-ақ ҚР аумағынан тыс жерлерде тұрақты тұратын немесе ұзақ мерзімді шетелдік іссапарларда болатын, сондай-ақ жеке шақырулар бойынша шет мемлекеттерде, қызметтік, іскерлік және туристік сапарларда жүрген және консулдық есепке тұрған азаматтар туралы ақпарат негізінде жасалатынын атап көрсетеді.
«Осыған байланысты, шетелге шыққан әрбір Қазақстан азаматы өз деректерін сайлаушылар тізіміне енгізу үшін шетелдік өкілдікке хабарласу арқылы алдын ала қамдана алады», — деп хабарлайды СІМ.
