Қазақстан Республикасының Басшысы Қасым-Жомарт Тоқаев Өзбекстан Республикасымен заңсыз көші-қонға қарсы іс-қимыл мәселелерінде өзара іс-қимыл туралы келісімді ратификациялады. Бұл туралы ҚР Президенті Аппаратының баспасөз қызметі хабарлады.
Қабылданған құжат заңсыз көші-қонға жол бермеу және алдын алу үшін қолданылатын статистикалық, ғылыми-әдістемелік және басқа да ақпаратпен алмасуға ықпал ететін болады.
Келісімді ратификациялай отырып, екі тарап көші-қон мәселелерімен айналысатын құзыретті органдардың өкілдерін даярлау және олардың біліктілігін арттыру, ғылыми зерттеулер, сондай-ақ заңсыз көші-қонға қарсы күреске бағытталған жалпы жедел-алдын алу іс-шараларын жүргізу мәселелерінде өзара іс-қимыл жасайды деп күтілуде.
Бұған дейін Қазақстан Ішкі істер министрлігі басшысының орынбасары Марат Қожаев екі ел арасындағы келісім өткен жылы Ташкентте жасалғанын және заңсыз көші-қон арналарын анықтау үшін жағдай жасауға ықпал ететінін айтты.
Сонымен қатар, Қожаев бұл құжат екі жақты азаматтыққа қарсы іс-қимылда ғана емес, ұлттық қауіпсіздікті қамтамасыз етуде да маңызды рөл атқаратынын атап өтті.
Қазіргі уақытта мұндай келісімдер Тәжікстан Республикасымен, Қырғыз Республикасымен және Беларусь Республикасымен жасалған. Ағымдағы жылы Армения Республикасымен де осындай құжатқа қол қою жоспарланған.
Сурет: ok.ru
