Қазақстанның сыртқы саяси ведомствосының ресми өкілі Айбек Смадияров Президент Қасым-Жомарт Тоқаев Қырғыз Республикасына мемлекеттік сапармен баруды жоспарлап отырғанын айтты.
Оның айтуынша, таяу күндері Қырғызстан астанасында екі мемлекеттің сыртқы саяси ведомстволары басшыларының орынбасарлары деңгейінде СІМ аралық консультациялары өтеді. Қазақстан делегациясын Марат Сыздықов, ал қырғызстандық делегацияны- Нұран Ниязалиев басқарады.
Жоғарыда аталған консультациялар шеңберінде Президент Тоқаевтың алдағы Қырғызстанға сапарына қатысты мәселелер талқыланады. Тараптар Қазақстан Республикасы мен Қырғыз Республикасы Жоғары мемлекетаралық кеңесінің 5-ші отырысын өткізу мәселелерін қарайды.
Сурет: Ktk.kz
