Қазақстан Президенті Қасым-Жомарт Тоқаев үш заңға қол қойды, деп хабарлайды zakon.kz.
Мемлекет басшысы «Қазақстан Республикасының кейбір заңнамалық актілеріне норма шығаруды жетілдіру мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, делінген Ақорда хабарламасында.
Түзетулерге сәйкес, енді қабылданған заңдар тиімділікті бағалайтын болады. Түзетулер заңдарды әзірлеу рәсімдерін жетілдіру, олар бойынша қоғамдық талқылаулар өткізу және заңдарды қабылдау мақсатында әзірленді. Заң жобасын Сенат 18 ақпанда қабылдады.
Сондай-ақ, мемлекет басшысы «1993 жылғы 22 қазандағы Қазақстан Республикасы мен Моңғолия арасындағы азаматтық және қылмыстық істер бойынша өзара құқықтық көмек туралы шартқа өзгерістер енгізу туралы хаттаманы ратификациялау туралы» Қазақстан Республикасының Заңына қол қойды.
Хаттама ҚР мемлекеттік органдарының функцияларын нақтылауды көздейді, бұл екі мемлекеттің жеке және заңды тұлғаларына өздерінің жеке және мүліктік құқықтарын қорғау үшін соттарға және басқа да құзыретті органдарға тікелей жүгінуді жеңілдетеді. Сондай-ақ хаттамада ҚР Ішкі істер министрлігінің Қылмыстық істер бойынша құқықтық көмек көрсетудегі құзыретін белгілейтін Шарттың 27-бабын алып тастау көзделген, себебі бұл мәселелер алдағы уақытта Бас прокуратураның құзыретіне жатады. Хаттаманы Сенат 25 ақпанда қабылдады.
Мемлекет басшысы «Қазақстан Республикасы мен Корея Республикасы арасындағы сотталған адамдарды беру туралы шартты ратификациялау туралы» Қазақстан Республикасының Заңына қол қойды, — деп қосты Ақордада.
Заңның негізгі мақсаты —
сотталған адамдармен алмасуда ынтымақтастықты жетілдіру, мұндай адамдарға бас бостандығынан айыру түріндегі жазасын, азаматы болып табылатын мемлекетте өтеу мүмкіндігімен қамтамасыз ету.
Шартта сотталған адамды беру, беруші тарап үшін берудің шарттары, сондай-ақ салдары, беру туралы сұрау салудың нысаны мен мазмұны, ақпарат алмасу, сотталған адамның транзиті және сотталған адамды беруге немесе берілгеннен кейін үкімді одан әрі орындауға байланысты туындаған шығыстарға байланысты нормалар және басқалар көзделген.
