Қазақстан Республикасының Президенті Қасым-Жомарт Тоқаев Ұлы Отан соғысы Жеңісі Күнін мерекелеуге үлкен мән беретінін мәлімдеді.
Бұл туралы мемлекет басшысы Ресей Федерациясының премьер-министрі Михаил Мишустинмен кездесу барысында айтты, деп жазады Tengrinews.kz.
РФ Үкіметінің төрағасы Қазақстан Президентіне жылы қабылдағаны үшін алғыс айтып, оны 9 мамыр күні Мәскеу қаласында Жеңіс Күнін мерекелеуге шақырды.
Ол сондай-ақ Қасым-Жомарт Тоқаевқа Ресей мемлекет басшысы Владимир Путиннің сәлемін жеткізді.
Елбасы 9 мамырда Мәскеуге үлкен қуанышпен баратынын атап өтті.
«Бұл біздің ортақ мерекеміз. Мен майдангер ұлы ретінде Жеңіс Күнін тойлауға үлкен мән беремін», — деді Тоқаев.
Қазақстан Президентінің Ресей премьер-министрімен келіссөздері барысында тараптар екі ел арасындағы стратегиялық ынтымақтастықты дамытуды талқылады.
Михаил Мишустин Қазақстан мен Ресей Федерациясы экономикалық және саяси ынтымақтастықта айтарлықтай табыстарға қол жеткізгенін атап өтті.
