Бүгін Қазақстан президенті Қасым-Жомарт Тоқаев отандық кәсіби боксшы Қанат Исламмен кездесті. Бұл туралы Мемлекет басшысының баспасөз қызметі хабарлады.
Кездесу барысында тараптар елімізде спортты дамыту, атап айтқанда, кәсіби боксты, балалар мен жасөспірімдер спортын ілгерілету және ауылдық жерлерде тұратын балалар мен жасөспірімдерге арналған спорттық секцияларды ұйымдастыру мәселелерін талқылады.
Қанат Ислам Президентке барлық қазақстандық спортшыларға мемлекет тарапынан көрсеткен қолдауы үшін алғысын білдірді. Тоқаев өз кезегінде боксшыға алдағы уақытта жеңістер тіледі.
Естеріңізге сала кетейік, Қанат Ислам – қазақстандық кәсіпқой боксшы, Қазақстан Республикасының еңбек сіңірген спорт шебері, 2008 жылғы Олимпиада ойындарының қола жүлдегері. 1-ші орта салмақтағы WBA Inter-Continental және WBO Inter-Continental нұсқалары бойынша чемпион атағының иегері.
