8 наурызда Нұрсұлтан Назарбаев «Күміс алқа» және «Алтын алқа» төсбелгілерін табыс етті.
Мемлекет басшысы Нұрсұлтан Назарбаев көп балалы аналар Маншук Мамбетова мен Алтынай Сәрсенбаеваға «Күміс алқа» және «Алтын алқа» төсбелгілерін табыс етті, деп хабарлайды BNews.kz тілшісі.
“Әлемнің ең маңыздысы – жаңа өмір сыйлайтын тек қана әйел. Орта есеппен, бізде бір отбасында үш бала тәрбиеленуде, ал бір жыл ішінде 400 мыңға жуық қазақстандық дүниеге келеді. Балалар – бір ғана отбасының байлығы мен мақтанышы емес, бүкіл елдің құнды капиталы. Сондықтан да біздің аналар, әсіресе көп балалы аналар, үлкен құрмет пен алғыс айтуға лайық. Олар бүкіл халықтың игілігін арттыра отырып, нағыз ерлік жасағандар”, – деді Қазақстан Президенті.
Сондай-ақ, президент көп балалы аналарды қолдау жөніндегі ауқымды іс-шаралар мен әлеуметтік шараларды іске асырудың маңызы зор екенін және осы көмектің көлемі біртіндеп ұлғаятынын атап өтті.
Нұрсұлтан Назарбаев әлеуметтік төлемдер мен жәрдемақылардың арттырылады, жаңа тұрғын үй салынады деп уәде берді. Ол әйел адам ошақ сақтаушысы ретінде үлкен құрмет білдірді.
Сурет: informburo.kz
