Қазақстан президенті Қасым-Жомарт Тоқаев Арыс қаласында қалыптасқан жағдаймен танысу үшін Түркістан облысына келді. Ол оқ-дәрі қоймасындағы жарылыс салдарын жою жөніндегі жедел штабтың отырысын өткізді, деп Zakon.kz хабарлайды.
Президент облыс әкімі Өмірзақ Шөкеевтің оқиға орынындағы жағдай, сондай-ақ ол жүзеге асырып жатқан шаралар туралы баяндамасын тыңдады.
Мемлекет басшысы тұрғын үйсіз қалған жергілікті тұрғындарды орналастыруды қамтамасыз ету үшін бірінші кезектегі шаралар қабылдауды және зардап шеккендерге, оның ішінде медициналық көмек көрсетуді тапсырды.
Қасым-Жомарт Тоқаев қаланың қалыпты өмір сүруін қамтамасыз ету үшін қажетті тауарлар мен материалдық құндылықтарды мемлекет есебінен броньнан шығару туралы өкім берді.
Қазақстан Үкіметі мен облыс әкімдігіне қалпына келтіру жұмыстары құнының барлық қажетті есебін жүргізу, сондай-ақ тұрғын үйді, инженерлік желілерді, Әлеуметтік және басқа да инфрақұрылымды қалпына келтіру үшін Үкімет резервінен қажетті қаражат бөлуді қамтамасыз ету тапсырылды.
Мемлекет басшысы оқиға орнында құтқару және қалпына келтіру жұмыстары кезінде нақты ведомствоаралық ынтымақтастықты ұйымдастыруды, сондай-ақ жарылыстардың себептерін мұқият тексеруді талап етті.
Сурет: zakon.kz
