Ресей премьер-министрі Дмитрий Медведев ШЫҰ-ға қатысушы елдердің үкімет басшылары кеңесінің отырысы аясында ұйымнан өз әріптестерін, оның ішінде Қазақстан министрлер кабинетінің басшысы Асқар Маминді Ресейге Ұлы Отан соғысындағы Жеңістің 75-жылдығына арналған салтанатқа шақырды.
ШЫҰ-ға қатысушы елдердің үкімет басшылары кеңесінің отырысына қатысушылар алдында сөз сөйлеген Дмитрий Медведев Ұлы Отан соғысындағы Жеңіс ұйымға қатысушы елдер тарихындағы ғана емес, жалпы өркениет тарихындағы маңызды оқиға болып табылатынын атап өтті.
“Жеңіс мерейтойы ортақ қауіпке қарсы біріге күрескен күндерді еске түсіретініне сенімдімін және, әрине, біздің халықтарымыз арасындағы сенім мен өзара түсіністікті нығайтуға ықпал етеді.Осы мүмкіндікті пайдалана отырып, біздің елімізде өтетін мерекеге қатысуға шақырамын”, – деді Дмитрий Медведев.
Бұған дейін Ресей Федерациясының президенті Владимир Путин Шанхай ынтымақтастық ұйымына мүше мемлекеттердің басшыларын Ресей астанасында өтетін Жеңіс шеруіне қатысуға шақырған болатын..
