Қазақстан Үкіметі басшысы Асқар Мамин “Росатом” мемлекеттік корпорациясының бас директоры Алексей Лихачевпен атом энергиясын бейбіт мақсатта пайдалану саласындағы ынтымақтастыққа байланысты мәселелерді талқылады. Бұл жайында Қазақстан министрлер кабинеті басшысының баспасөз қызметі хабарлады.
Кездесу барысында Қазақстан премьер-министрі қазіргі таңда бауырлас мемлекет арасындағы екіжақты қарым-қатынаста атом энергиясы саласындағы өзара іс-қимыл ерекше маңызды екенін атап өтті.
Сондай-ақ әңгіме барысында атом саласындағы Ресей-Қазақстан ынтымақтастығының кешенді бағдарламасын іске асыру барысына қатысты мәселелер талқыланды.Тараптар уран өндіру және байыту саласындағы өзара іс-қимылға қатысты мәселелерге назар аударды.
Кездесу аясында қазіргі уақытта біздің республикамызда бес қазақстандық-ресейлік бірлескен уран өндіруші кәсіпорын жұмыс істейтіні атап өтілді. Өткен жылы ол кәсіпорындар 8427 тонна уран өндірілген, ал осы жыл ішінде 6645,8 тоннасы өндірді.
