2019 жылы Қазақстан экономикасы әлемдік экономиканың өсу қарқынының айтарлықтай бәсеңдеуі жағдайында дамыды. Бұл туралы ҚР премьер-министрі Асқар Мамин Нұр-Сұлтанда өткен Үкіметтің кеңейтілген отырысында мәлімдеді.
– Дүниежүзілік банк пен ХВҚ (Халықаралық Валюта Қоры) деректері бойынша жаһандық экономиканың өсу қарқыны 2,9% – ды құрады, бұл соңғы онжылдықтағы ең аз нәтиже болып табылады (2009 жылдан бастап). Сонымен қатар, бірқатар елдер ұлттық экономикалардың 5% және одан жоғары деңгейде озық өсуіне қол жеткізе алды, — деді ол.
Сонымен қатар, премьер бұл елдердің тәжірибесі ішкі сұранысты ынталандыру және инвестициялық әлеуетті тиімді пайдалану есебінен экономикалық белсенділікті дамыту бойынша шаралар қабылдау қажеттігін көрсетіп отырғанын атап өтті.
Оның айтуынша, 2020 жылы Дүниежүзілік Банктің болжамына сәйкес әлемдік экономиканың өсу қарқыны 3,2% – ға дейін қалпына келтіріледі деп күтілуде.
– Инвестиция үшін жаһандық бәсекелестікті күшейту жағдайында Үкімет ел экономикасына инвестициялардың жаңа толқынын тартуға баса назар аударады. Біздің стратегиялық міндетіміз – негізгі капиталға инвестиция көлемін жыл сайын орта есеппен 15% — ға арттыру және оның деңгейін 30% – ға жеткізу, – деп атап өтті Үкімет басшысы.
Сурет: zakon.kz
