Беларусь астанасында Еуразиялық үкіметаралық кеңестің отырысы өтті, онда ЕАЭО қатысушы-елдер Министрлер Кабинетінің басшылары одақтағы коронавируспен күрестің кешенді іс-шаралар жоспарын мақұлдады, деп хабарлайды belta.by ақпарат ресурсы.
Осы жоспарға сәйкес ЕАЭО елдері COVID-19 туралы өзекті мәліметтермен алмасады, зертханалық зерттеулер жүргізу бойынша ұсыныстар әзірлейді және инфекциялық аурулардың өршуіне ден қою алгоритмін іске асырады.
Жоспарда белгілі және жаңа инфекциялық ауруларға ден қою шараларын пысықтау мақсатында бірлескен оқу-жаттығулар өткізу көзделген.
Комиссия кешенді жоспарға енгізілген іс-шараларды іске асыру ЕАЭО мемлекеттерінің денсаулық сақтау жүйесінің бірыңғай әлеуетін нығайтуға ықпал етеді, сондай-ақ алда болуы мүмкін індеттердің алдын алуға мүмкіндік береді.
Қазақстан Республикасында коронавирусты жұқтырудың 66895 жағдайы ресми түрде расталды, олардың ең көп саны Атырау облысында, атап айтқанда 8696 жағдай анықталды.
