Полиция қызметкерлерін жаңа аттестаттаудан өткізу бұрыннан жоспарланды. Бірақ соңғы айлардың оқиғалары — Денис Тэнді өлтіру, құрбандары бар жаппай төбелес, Жаңа жылдың бірінші аптасындағы қылмыстық оқиғалардың күрт көбеюі — осы шешімнің қабылдануын жылдамдатты.
8 қаңтарда Ішкі істер министрінің бірінші орынбасары Жанат Сүлейменов Астанада өткен баспасөз мәслихатында Ішкі органдардың қызметкерлерін жаңа аттестаттау қаңтар айының соңында басталатынын мәлімдеді.
«Өз қатарларында тәртіп орнату, қызметкерлердің сыбайлас жемқорлықпен, тағы да басқа құқық бұзушылықтардың жасалуына жағдай туғызатын себептерді жою бойынша шаралар кешені жалғастырылатын болады. Олардың қатарында ағымдағы жылдың бірінші жартыжылдығында полиция қызметкерлерін кезектен тыс аттестаттаудан өткізу бар. Ол бірнеше кезеңмен өтеді, қаңтар айының соңынан бастап процесс басталады», – деді Жанат Сүлейменов.
Жарлық ел Президентінде және жақын күндері оған қол қойылады деп күтілуде.
«Облыстық департаменттердің, Министрлік департаменттерінің басшылары жоғары аттестаттау комиссиясында аттестациядан өтеді, қалған қызметкерлер орталық аттестаттау комиссиясында өтеді», – деп толықтырды ішкі істер министрінің орынбасары.
Осылайша, ішкі істер министрлігінің реформасы оның қызметкерлерін қайта аттестаттаудан басталады.
Сулет: today.kz
