Үкіметтің өткен жылғы республикалық бюджеттің атқарылуы жөніндегі есебін Қазақстан Республикасының Парламенті мақұлдады.
Бүгін Парламент палаталарының бірлескен отырысында депутаттар Үкімет пен есеп комитетінің 2018 жылғы мемлекеттік бюджеттің атқарылуы туралы есептерін қарады.
Отырыс қорытындысы бойынша депутаттар есепті бекіту туралы шешім қабылдады.
«Бүгін депутаттар көтерген мәселелер мен ұсынылған ұсыныстар бойынша Үкімет міндетті түрде нақты жұмысты ұйымдастырады. Қажетті шаралар қысқа уақытта қабылданып, жол картасы қабылданатын болады. Депутаттармен алдағы уақытта жемісті жұмыс істеуге үміттенемін», — деді қорытынды сөзінде ҚР Премьер-министрі Асқар Мамин.
Премьер-Министрдің бірінші орынбасары — ҚР Қаржы министрі Әлихан Смайылов өз есебінде экономика өсімі 2018 жылы 4,1% — ды құрағанын, яғни бюджетке 8,8 триллион теңге түскенін, 5,7 триллион салық түскенін хабарлады. 2017 жылмен салыстырғанда табыс үлесі 15% — ға артып, 65% — ға жетті.
