у шаруашылығы саласында маманданған қазақстандық сарапшылар Халықаралық Аралды құтқару қорының мемлекетаралық су шаруашылығы үйлестіру комиссиясының кезекті отырысына қатысты. Бұл туралы orient.tm жаңалықтар ресурсын жазады.
Бейнеконференция байланысы режимінде өткен отырысқа қазақстандық сарапшылардан басқа, Түркменстан, Тәжікстан және Өзбекстан су шаруашылығы салаларының мамандары қатысты.
Бейнеконференцияның күн тәртібіне Орталық Азия мемлекеттері басшыларының Арал теңізі алабындағыі су шаруашылығы мен экологиялық жағдайды жақсарту жөніндегі ұсыныстарын жүзеге асыру мәселелері енгізілді.
Сондай-ақ, отырыс шеңберінде Орталық Азия елдерінің мамандары 2019-2020 жылдары Әмудария мен Сырдария өзендерінен ауыл шаруашылығы дақылдарын өсіру кезеңінде алынған су көлемі бойынша есептермен танысты.
Сонымен қатар, тараптар осы өзендерден Орталық Азия аймағы елдеріне ағымдағы жылдың вегетациялық кезеңінде пайдалануға болатын су көлемін бекітті.
Сонымен қатар, сарапшылар Арал теңізі алабында тұратын адамдардың өмірін жақсарту, сондай-ақ экологиялық мәселелерді шешуде Орталық Азия елдерінің өзара іс-қимылын дамыту туралы айтылған Мемлекетаралық су-шаруашылығын үйлестіру тобының ғылыми-ақпараттық орталығының баяндамасын тыңдады.
