Мемлекетіміздің шекара қызметінің басшылығымен биылғы жылы «Шекара-2020» деп аталатын екінші арнайы операция өтті. Бұл туралы Шекара әскерлері қолбасшылары кеңесінің баспасөз қызметі жазады.
Арнайы операция Орталық Азия бағытында заңсыз әрекеттің жолын кесу мақсатында жүргізілді.
Іс-шараларға Қазақстанның шекара бөлімінің қызметкерлерінен басқа Ресей Федерациясы, Қырғыз Республикасы, Тәжікстан және Өзбекстан шекарашылары тартылды.
Коронавирустық инфекция эпидемиясының таралуына байланысты операция карантиндік шараларды қатаң сақтай отырып жүргізілді. Осы мақсатта эпидемияға қарсы шараларды жүзеге асыратын штаттан тыс топтар құрылды.
Кең көлемді арнайы операция аясында ТМД елдерінің шекара қызметінің қызметкерлері мыңнан астам мемлекеттік шекара заңнамасын бұзушыларды ұстады. Лаңкестік және экстремистік әрекетке қатысқан екі мигрант, іздеуде жүрген сегіз адам ұсталды.
Сонымен қатар, 46 келіден астам есірткі заттары, 600 мың доллардан астам контрабандалық тауарлар тәркіленіп, 370 қылмыс ашылды.
Бірлескен операция нәтижелері Достастыққа мүше мемлекеттердің шекара ведомстволары арасындағы өзара іс-әрекеттің жоғары деңгейін көрсетті.
Сурет: skpw.ru
