Еліміздің Қорғаныс министрлігінде әскери полигондарды пайдалану бойынша ақылы қызмет түрлерін көрсету саласын кеңейту арқылы қаражат табуды жоспарлап отыр, деп хабарлайды nur.kz жаңалықтар ресурсы.
Бұл үшін қорғаныс ведомствосы Қарулы Күштер мәселелері бойынша еліміздің кейбір заңнамалық актілеріне түзетулер енгізілетін заң жобасына тұжырымдаманы әзірледі.
Министрлік қазір Әскердің орталық спорт клубы ақылы қызмет көрсетумен айналысып жатқанын, ал түскен табыс өз қызметін қосымша қаржыландыру көзі ретінде пайдаланатынын хабарлады.
Қорғаныс министрлігі еліміздің әскери полигондары пайдалану және аэродромдық қызмет көрсету бойынша ақылы қызмет көрсету саласын кеңейтуді ұсынады.
Есепу бойынша, әуеайлақтық қызмет көрсетуден түскен табыс жарты миллиард теңгені, ал полигондарды пайдаланудан түскен табыс – 300 миллион теңгені құрайды. Алынатын табысты әскери полигондардың қолданыстағы инфрақұрылымын қалпына келтіруге және заманауи жабдықтарды сатып алуға бағыттау жоспарланып отыр.
Бұдан басқа, Қорғаныс министрлігі Қазақстан Республикасында Қарулы Күштердің инфрақұрылым нысандарын жөндеу, ұстау және пайдалану бойынша бірыңғай оператор құру туралы ұсыныс жасады.
Сурет: mil.by
