Қазақстанның энергетикалық ведомство басшысы Нұрлан Ноғаев ағымдағы жылдың 5-6 наурызында Австрия астанасында өтетін ОПЕК+ министрлік кездесуіне қатысатынын мәлімдеді. Бұл туралы ҚР Энергетика министрлігінің баспасөз қызметі хабарлады.
Бұған дейін Ноғаев Қазақстан ОПЕК+ ұсынымдарына сәйкес мемлекет аумағында мұнай өндіруді тәулігіне шамамен 20-30 мың баррельге қысқарту туралы шешім қабылдағанын мәлімдеген болатын. Бұл өткен жылы қазақстандық тараптың 2020 жылдың бірінші тоқсанында мұнай өндіруді қысқарту міндетін өз мойнына алғандығымен байланысты.
Ағымдағы жылдың 27 ақпанында ОПЕК бас хатшысы Мұхаммед Баркиндо ОПЕК+ елдерінің министрлік кездесу барысында коронавирус инфекциясы таралғаннан кейінгі қалыптасқан мұнай нарығындағы жағдайды тұрақтандыратын келісімге қол жеткізу ниеті бар екендігін растады.
Сурет: yandex.ua
