Ресей ғылым және мәдениет орталығында “Нұр-Сұлтандағы Санкт-Петербург Мемлекеттік университетінің күндері” басталды.
Ол осы жоғары оқу орнының онлайн-мектебінің жобасын іске асыруға қатысты келісімге қол қою рәсімінен басталды. Қол қойылғаннан кейін университет өкілдері талапкерлер мен олардың ата-аналарын ЖОО тарихымен, оның негізгі халықаралық жобаларымен және мүмкіндіктерімен таныстырды.
Сондай-ақ, іс-шара ашылған күні Орыс тілі бойынша СПбМУ-нің екінші олимпиадасының соңғы кезеңі өтті. Олимпиаданы екі жыл қатарынан университет пен Ресей ынтымақтастығы өкілдігі өткізуде.
Оның басты міндеті мектеп және басқа да білім беру мекемелері оқушыларының орыс тілі мен мәдениетіне деген тұрақты және саналы қызығушылықтарын қалыптастыру, олардың шығармашылық қабілеттерін дамыту және ғылыми-зерттеу қызметіне баулу.
Қазақстандағы Ресей ынтымақтастығы өкілдігі басшысының міндетін атқарушы Екатерина Малинина қазақстандық жастардың Ресей ынтымақтастығы квотасына конкурстан өтіп, немесе қызығушылық танытқан ЖОО-ға түсу сынақтарын сәтті тапсырып, Ресейде тегін білім алуға мүмкіндігі бар екенін хабарлады.
“СПбМУ күндерінде” жарыстың іріктеу кезеңінің жеңімпаздары мен жүлдегерлері болған оқушылар олимпиаданың қорытынды бөліміне қатыса алады.Онда жалпы білім беру циклы пәндері бойынша олардың білімдері тексеріледі.
Сондай-ақ, орыс тілі пәні мұғалімдеріне шет тілі ретінде ақпараттық-әдістемелік семинар және зияткерлік “Не? Қайда? Қашан?” ойыны ұйымдастырылады.
Осы ауқымды жобаның соңында СПбМУ онлайн-мектебінің сабақтары өтеді. Сабақтарды өткізудің мақсаты ресейлік білім беру мекемелеріне оқуға түсуге және оларда оқуға дайындық болып табылады. Оқушыларға орыс тілі, әдебиет және тарих пәндерінен дәріс оқылады.
Сурет: kaz.rs.gov.ru
