Қазақстанның Индустрия және инфрақұрылымдық даму министрі Роман Скляр біздің республикамыз Қытай арқылы Оңтүстік-Шығыс Азия елдеріне көмір жеткізетінін хабарлады.
“Мемлекет басшысының сапары аясында жыл сайын ҚХР арқылы Ляньюнган портына және одан әрі Оңтүстік-Шығыс Азия елдеріне шамамен 2 миллион тонна көлемінде қазақстандық көмір транзиті бойынша алдын ала келісімге қол жеткізілді”, – деді Скляр.
Сондай-ақ, ҚР Индустрия және инфрақұрылымдық даму министрі Қасым-Жомарт Тоқаевтың ҚХР-ға ресми сапары кезінде авиациялық іздестіру және азаматтық әуе кемелерін құтқару саласындағы ынтымақтастық туралы келісімге қол қойылғанын айтты.
“Осы келісімнің мақсаты апатқа ұшыраған жолаушылар мен экипаждарды іздеу және құтқару үшін мемлекеттердің іздестіру-құтқару қызметтері арасындағы ынтымақтастық болып табылады. Оны ХААҰ өздерінің үздік тәжірибелеріне сәйкес ұсынған”, – деп атап өтті министр ұсынылған”, – деп атап өтті министр.
Роман Скляр келісімде Қытай аумағында қандай да бір авиациялық оқиғалар туындаған жағдайда, Қазақстан хабардар етілетіндігін атап өтті.
Сурет: zakon.kz
