Қазақстан 1,5 мыңнан астам шетелдік азаматтарға коронавирусқа байланысты жұмысқа орнын беруден бас тартты. Бұл туралы Үкіметте өткен баспасөз конференциясында ҚР еңбек және халықты әлеуметтік қорғау министрі Біржан Нұрымбетов мәлімдеді.
«Әлемде коронавирустың өршуіне байланысты бізге жұмысқа келген және жұмыс істеп жатқан барлық шетелдіктер бақылануда», — деді Нұрымбетов.
Ол Қазақстан аумағына коронавирус бойынша 1, 2 және 3 санатқа жататын мемлекеттердің жеті мыңнан астам азаматы келгенін атап өтті.
«Қосымша қауіпсіздік шаралары қабылданды. Ақпан айында 1543 адам рұқсат алғысы келді. Енді оларға рұқсат берілмейді. Осы санатқа кіретін елдердің азаматтарына жұмысқа рұқсат беру тоқтатылды. Егер жұмыс істеп жүргендер өз отанына оралғысы келсе, оларға енді мұнда қайта кіруге рұқсат берілмейді. Бүгінде мұндай талаптар қойылып отыр», — деп түсіндірді министр.
Сурет: zakon.kz
