Мемлекет басшысы Қасым-Жомарт Тоқаев өзінің Twitter-дегі бетінде Қазақстанда екі апталық карантин режимін енгізу жоспарланып отырғанын жазды, деп хабарлайды “ҚазАқпарат” жаңалықтар ресурсы.
Президенттің айтуынша, бүгін еліміздің Министрлер кабинеті 5 шілдеден бастап Қазақстан Республикасында екі апталық карантин енгізу жоспарын ұсынды. Тоқаевтың нақтылауы бойынша ол ұзартылуы мүмкін.
Қазақстан басшысы ертең індеттің таралуын болдырмау жөніндегі ведомствоаралық комиссияның отырысы аяқталғаннан кейін, Денсаулық сақтау министрі Алексей Цой карантин туралы егжей-тегжейлі айтатынын қоса мәлімдеді.
Кеше Денсаулық сақтау министрі Қазақстанда коронавирустық инфекциямен күресудің үш сценарийі бар екенін айтты, оның бірі екі апталық қатаң карантин режимін енгізу көзделіп отырғаны болатын.
Алексей Цой мәлімдегендей, мұндай сценарийде тамыз айының соңына дейін күн сайын тіркелетін жағдайлардың саны 7 мың белгіден аспайды.
Соңғы мәліметтер бойынша, Қазақстанда коронавирусты жұқтырудың 41065 жағдайы ресми түрде расталды, ал осы аурудан 13558 адам емделді.
Сурет: spbdnevnik.ru
