Қазақстан дипломатиялық ведомствосының басшысы Мұхтар Тілеуберді Берлинде өткен «Жасыл Орталық Азия» климатты қорғау мәселелері бойынша интеграциялық жобаны іске қосу жөніндегі конференцияға қатысты. Бұл туралы ҚР СІМ баспасөз қызметі хабарлайды.
Конференцияға қатысушылар арасында Германия, Түрікменстан, Қырғызстан, Өзбекстан, Тәжікстан, Ауғанстан сыртқы саяси ведомстволарының басшылары және халықаралық ұйымдардың өкілдері болды.
Кездесу барысында қатысушылар «Жасыл Орталық Азия» климатты қорғау мәселелері жөніндегі интеграциялық жобаның бастамашысы Германия Үкіметі екенін және «Орталық Азия үшін су бастамасының» жалғасы болып табылатынын атап өтілді.
Жиналғандардың алдында сөйлеген сөзінде Германия Сыртқы істер министрлігінің басшысы Хайко Маас бұл жоба климаттың өзгеруі мәселелерінде Орталық Азия елдері арасындағы диалогты қолдауға бағытталғанын атап өтті.
Қазақстан Сыртқы саясат ведомствосының басшысы өз кезегінде жобаның Орталық Азия өңірі үшін маңыздылығын атады. Сонымен қатар, ол қатысушыларға еліміздің жасыл экономика саласындағы мемлекеттік саясаты туралы айтты.
Конференция соңында ресми делегациялар басшылары, нақты жобаларды іске асыра бастауға маңызды серпін беретін, бірлескен декларацияға қол қойды.
Сурет: mfa.gov.kz
