Қазақстандық Мәдениет және спорт министрі Ақтоты Райымқұлова ресми сапармен Ташкентте болып, онда Өзбекстан үкіметі басшысының орынбасары Азиз Абдухакимовпен кездесті. Бұл туралы ҚР Мәдениет министрлігінің баспасөз қызметі хабарлады.
Атап айтқанда,кездесу барысында қатысушылар екі ел арасындағы туризмді дамыту саласындағы ынтымақтастыққа байланысты мәселелерге ерекше назар аударды.
Кездесу барысында “Жібек жолы” Өзбекстан Халықаралық туризм университеті мен Қазақстан Халықаралық туризм және қонақжайлылық университеті арасындағы ынтымақтастық туралы меморандумға қол қойылды.
Бұл құжатқа қол қою кезінде оның негізгі мақсаты екі мемлекеттің университеттері арасында серіктестік құру және ұзақ мерзімді ынтымақтастықты дамыту болып табылатыны атап өтілді.
Меморандумға сәйкес тараптар Қазақстан мен Өзбекстанның туризм саласын дамыту үшін ақпараттық ортаны қалыптастыруда өзара іс-әрекетті нығайтатын болады.
