Өзбекстан Республикасы мен Қазақстан алғаш рет eTIR рәсімін қолдана отырып, тәжірибелік жүк тасымалын жүргізді. Бұл туралы халықаралық көлігі Одағының порталы хабарлады.
Өзбекстан астанасынан тұрмыстық электронды техникасы бар жүк көліктері жөнелтілді. Біздің елмен мемлекеттік шекараны кесіп өту барысында екі мемлекеттің кеден органдары транзиттік кепілдіктерді сәтті өңдеді.
Сауда рәсімдерін жеңілдету жөніндегі жоба халықаралық автокөлігі одағының басшылығымен, сондай-ақ кеден органдарының және Өзбекстандық халықаралық автокөлік тасымалдаушылары қауымдастығының және Қазақстандық халықаралық автокөлік тасымалдаушылары одағының қолдауымен іске асырылды.
“АВТО тасымалдарды жеңілдету үшін цифрландыру теңізге шыға алмайтын Орталық Азия елдері үшін аса маңызды, өйткені бұл теңіз порттары мен әлемдік нарықтарға қолжетімділікті жақсарту үшін құрлықтағы маршруттарды дамытуға мүмкіндік береді”, — деп ұйым атап өтті.
ETIR жүйесін қолданудың арқасында Орталық Азия өңірінің мемлекеттері мемлекеттік шекараларды кесіп өту рәсімдерін жеңілдетуге, тасымалдау уақытын азайтуға, сондай-ақ тасымалдаушылардың шығындарын азайтуға мүмкіндік алады.
Сонымен қатар, қағазсыз формат жүргізушілер мен кеден органдарының қызметкерлері арасындағы тікелей байланыстарды қысқартуға ықпал етеді, бұл өз кезегінде жаңа коронавирустың таралуына жол бермеу шараларын сақтауды жеңілдетеді.
Сурет: iru.org
