Нұр-Сұлтанда Қазақстан азаматтық авиация комитетінің төрағасы Талғат Ластаев Өзбекстан Көлік министрлігінің басшысы Эльяр Ганиевпен кездесті. Кездесу барысында екі мемлекет арасындағы ынтымақтастық мәселелері қаралды. Бұл туралы ҚР Индустрия және инфрақұрылымды дамыту комитетінің баспасөз қызметі жазды.
Бұл кездесу Uzbekistan Airports, Aviation & Logistics Forum 2020 логистикалық форумы аясында өтті және оған өзбек әуе көлігі департаментінің бастығы Ұлықбек Бекташев пен Uzbekistan Airports компаниясының басқарма басшысы Ровшан Исмаилов қатысты.
Әңгіме барысында Қазақстан мен Өзбекстан өкілдері екі елдің азаматтық авиациясының дамуына байланысты мәселелерге назар аударды. Сонымен қатар, «ашық аспан» режимі шеңберінде шетелдік авиатасымалдаушыларды тартуға бағытталған қабылданып жатқан шаралар қаралды.
Келіссөздердің маңызды бөлігі тараптардың біздің республика мен Өзбекстан арасындағы әуе қатынасын одан әрі кеңейту қажеттілігін растауы болды.
Кездесу соңында қатысушылар Қазақстан мен Өзбекстан арасындағы әуе рейстерінің санын арттыруға қатысты жұмысты жалғастыруға келісті.
Сурет: inform.kz
