Өзбекстан Республикасы біздің елмен халықаралық әуе қатынасын қайта жандандыруға дайын. Бұл туралы “Қазақпарат” агенттігі хабарлады.
Атап айтқанда, Өзбекстанның арнайы республикалық комиссиясына шілде-тамыз айларында бірқатар жақын мемлекеттермен, соның ішінде Қазақстан, Ресей Федерациясы және Біріккен Араб Әмірліктерімен авиарейстерді қайта жаңғырту жөнінде ұсыныстар түсті.
Бұл жөнінде Өзбекстан Республикасының Көлік министрлігінде айтылды. Ведомство бірінші кезеңде паритеттік негізде тұрақты авиарейстер жаңартылатынын атап өтті.
Бұрынырақ індеттің таралуының алдын алуға жауапты Қазақстанның ведомствоаралық комиссиясы шетелге авиарейстерді кезең-кезеңмен қайта бастау туралы шешім қабылдағаны хабарланған.
Ағымдағы жылдың 20 шілдесінен бастап Қазақстан Республикасы Түркия, Оңтүстік Корея, Таиланд және Жапония бағыттары бойынша авиарейстерді қайта бастады.
Біздің еліміз Қытаймен халықаралық әуе қатынасын қалпына келтірмеді, өйткені қазір онда коронавирус ауруының екінші толқыны жүріп жатыр.
Сурет: aviav.ru
