Қазақстан министрлер кабинеті Қырғызстанмен екі елдің мемлекеттік шекарасындағы көпірлерді жаңарту және салуды қарастыратын шартты бекітті. Бұл туралы “ҚазТАГ” ақпарат агенттігі хабарлады.
Қазақстан министрлер кабинетінің қаулысында екі ел жаңа көпір салады және “Қарасу – автожол”, “Ақ тілек-автожол” өткізу пункттері арасындағы көпірді жөндейді деп айтылған.
Жаңа көпір Шу шекаралық өзені арқылы өтетін болады. Құжатта құрылыс және қайта жаңарту жұмыстары өзен арнасының, оның жағалау сызығының және мемлекеттік шекара сызығының өтуіне әсер етпеуі тиіс екендігі нақтыланған.
“Құрылыс және қайта жаңарту жұмыстары аяқталғаннан кейін көпірлер Қазақстан мен Қырғызстанның меншігіне тең үлеспен берілетін болады. Көпірлерді пайдалану мен күтіп ұстауды әр тараптың өз ұйымдары жүзеге асырады”, – делінген құжатта.
Қазақстан үкіметінің қаулысында Қазақстан мен Қырғызстан жаңа және бұрыннан бар көпірдің құрылысына жұмсалатын барлық шығындарды тең үлеспен көтеретіні атап көрсетілген.
