Бүгін біздің Республикамыздың президенті Қасым-Жомарт Тоқаевтың Қырғыз Республикасының президенті Сооронбай Жээнбековпен телефон арқылы сөйлесті. Бұл туралы Қазақстан басшысының баспасөз қызметі хабарлайды.
Әңгіме барысында бауырлас елдердің көшбасшылары індеттің таралуына қарсы күреске көңіл бөлді. Осы тұрғыда президенттер Қазақстан мен Қырғызстан министрлер кабинеттерінің COVID-19 қарсы әрекет етуге бағытталған шараларды жедел қабылдау жөніндегі үйлесімді жұмысын атап өтті.
Сондай-ақ, телефон арқылы әңгімелесу барысында Қасым-Жомарт Тоқаев пен Сооронбай Жээнбеков Қазақстан-Қырғызстан шекарасындағы өткізу пункттерінің жұмысына қатысты мәселелерді қарастырды, індет аяқталғаннан кейін олардың толыққанды жұмыс істеуін қалпына келтірудің маңыздылығын атап өтті және контрабандаға қарсы күрес шараларын жүзеге асыруға келісті.
Сонымен қатар, Қазақстан мен Қырғызстан көшбасшылары көршілес республикадағы қазақстандық компаниялардың жұмысына байланысты мәселелерді қозғады және екі мемлекет арасындағы сауда-экономикалық ынтымақтастықтың жоғары деңгейін қолдау қажеттігі туралы мәлімдеді.
Телефон арқылы сөйлесу соңында Жээнбеков Қазақстан Республикасы көрсеткен гуманитарлық көмек үшін Тоқаевқа алғысын білдірді.
Сурет: akorda.kz
