Қазақстан Қаржы министрлігінде кеше мемлекеттік кірістер комитетінің төрағасы Марат Сұлтанғазиевтің Қырғызстанның мемлекеттік кеден қызметінің төрағасы Алмаз Онолбековпен кездесуі өткенін хабарлады.
Кездесу барысында қатысушылар екі ел арасында тауарлардың транзиті кезінде навигациялық пломбаларды сынамалық режимде қолдану туралы шешімге келді.
Сондай-ақ төраға шекара маңындағы пункттерге қатысты мәселелерді талқылады. Олар Қазақстан мен Қырғызстанның өткізу бекеттері мен кедендік ресімдеу орындарында бірлескен кедендік бақылау жүргізу туралы келісті.
“Екі елдің кеден қызметтерінің үйлесімді жұмысының қорытындысы кедендік әкімшілендірудің тиімділігін арттыру, тауарлар транзитінің уақытын қысқарту, сондай – ақ тасымалданатын жүктердің көлемін арттыру болады”, – деп атап өтті Қазақстан Қаржы министрлігі.
Сурет: Akchabar.kz
