Еліміздің делегациясы сараптамалық топтың кезекті отырысына қатысады, онда сәйкестікті бағалау жөніндегі органдарды аккредиттеуді өзара тану туралы келісім жобасы қаралатын болады. Бұл туралы ТМД Атқару комитетінің баспасөз қызметі хабарлады.
Достастықтың Атқарушы комитетінің ақпараты бойынша, отырыста Қазақстандық делегациядан басқа ТМД-ға қатысушы елдердің, Достастықтың Атқарушы комитетінің және стандарттау, метрология және сертификаттау жөніндегі мемлекетаралық кеңестің стандарттар бюросының өкілдері қатысады.
ТМД Атқару комитетінің өкілдері айтқандай, бұл келісімді дайындау және қол қою Достастықтың 2020 жылға дейінгі экономикалық даму стратегиясының үшінші кезеңін орындау іс-шаралар жоспарында көзделген.
Бұл құжат туралы айта келе, оның арқасында ТМД-ға қатысушы елдер сәйкестікті бағалау саласында аккредиттеу жұмыстарының нәтижелерін өзара тану рәсімін нақты регламенттей алады.
ТМД Атқару комитеті өкілдерінің айтуынша, осы келісім жобасы қаралатын сараптамалық топтың отырысы келесі жылдың 17 қаңтарында Ресей Федерациясының астанасында өтеді.
