Ресей ауыл шаруашылығы министрлігінде ТМД елдерінің агроөнеркәсіп кешені мәселелері жөніндегі Үкіметаралық кеңесінің кезекті отырысы болып өтті, оған қазақстандық делегация қатысты. Бұл туралы Достастықтың Атқарушы комитетінің баспасөз қызметі хабарлады.
Қазақстан делегациясынан басқа Ресей, Армения, Беларусь, Қырғызстан, Молдова және Өзбекстан аграрлық ведомстволарының өкілдері қатысқан кездесу барысында ТМД елдерінің агроөнеркәсіптік кешенін дамытудың негізгі бағыттарына байланысты мәселелер қаралды.
Тараптар балық шаруашылығы кешенін дамытуға қатысты мәселелерді талқылады, сондай-ақ шегіртке зиянкестерінің дамуын алдын алу бойынша кешенді шаралар жобасын әзірлеу мәселелеріне назар аударды.
Сонымен қатар, отырыс аясында агроөнеркәсіптік кешенді ғылыми қамтамасыз ету және ауыл шаруашылығы машиналарын жасау салаларындағы ынтымақтастыққа қатысты мәселелер қозғалды.
Кездесу соңында ТМД елдерінің агроөнеркәсіп кешені мәселелері жөніндегі үкіметаралық кеңестің кезекті отырысы келесі жылы өтетіні айтылды.
Сурет: e-cis.info
